Ciidanka Israa’iil ayaa duqeymo ka geystay dhowr goobood oo ku yaalla deegaanka Al-Kiswah ee koonfurta Dimishiq iyo miyiga Daraa fiidkii xalay. Ilo wareedyo u oo inoo waramay ayaa sheegay in ciidamada Israa’iil ay gudaha u galeen xadka maamul ee u dhexeeya gobollada Daraa iyo Quneitera ee koonfurta Suuriya.

Duqeymaha Israa’iil ayaa beegsaday Al-Kiswah oo ku taalla duleedka Dimishiq iyo hareeraha magaalada Izraa ee gobolka Daraa. Sidoo kale, ciidamada Israa’iil ayaa u gudbay tuulada Ayn al-Bayda ee miyiga Quneitera, sida ay xaqiijiyeen ilo ku dhow Al-Jazeera.

Ilo wareedyo inoo waramay ayaa sheegay in duqeymaha Israa’iil ay beegsadeen xarun ciidan oo hoos tagta Wasaaradda Difaaca Suuriya, taasoo ku taalla buurta Tall al-Hara ee galbeedka gobolka Daraa. Sidoo kale, duqeynta ka dhacday deegaanka Al-Kiswah ee duleedka Dimishiq ayaa lagu bartilmaameedsaday goob ciidan oo ay leedahay Wasaaradda Difaaca Suuriya.

Ilo wareedyo kale ayaa inoo sheegay in ciidamada Israa’iil ay gudaha u galeen xadka maamul ee u dhexeeya gobollada Daraa iyo Quneitera ee koonfurta Suuriya, gaar ahaan tuulada Ayn al-Bayda ee miyiga Quneitera.

Dhinaca kale, wakaaladda wararka ee Reuters ayaa soo xigatay wariyeyaal iyo dad deegaanka ah kuwaas oo sheegay inay maqleen qaraxyo waaweyn iyo diyaarado dagaal oo dul heehaabaya cirka Dimishiq fiidkii Talaadada.

dad mesha ka dhawaa , ayaa sheegay in ciidanka Israa’iil ay duqeymo dhowr ah ka fuliyeen goobo kala duwan oo ka tirsan gobolka Daraa, gaar ahaan deegaanka Izraa ee waqooyiga Daraa iyo buurta istiraatiijiga ah ee Tall al-Hara, taasoo ah mid ka mid ah meelaha ugu sareeya ee dhulka galbeedka Daraa.

Wariyuhu wuxuu intaa ku daray in duqeymaha ay la socdeen dhaqdhaqaaq xooggan oo ay sameynayeen diyaaradaha sahanka ee Israa’iil, kuwaas oo dul heehaabayay hawada galbeedka Daraa iyo gobolka deriska la ah ee Quneitera.

dad mesha ka dhawa ayaa waxay inoo sheegeen in dhacdooyinkan ay la socdaan soo galitaan dhanka dhulka ah oo ay sameeyeen ciidamada Israa’iil gudaha galbeedka gobolka Daraa. Wuxuu xusay in howlgalka uu ka koobnaa gaadiid ciidan, kuwa gacan-ku-wada, iyo gaadiid xamuul ah oo tiradoodu gaareyso 20.

Sidoo kale, waxay ilmaamay in ciidamada Israa’iil ay gaareen xero ciidan oo ku taalla aaggaas, halkaasoo ay baaritaano ka sameeyeen. Waxay sidoo kale baareen hareeraha qaar ka mid ah tuulooyinka ay gaareen, iyagoo sidoo kale gudaha u galay miyiga Quneitera, halkaasoo ay ka fuliyeen howlgallo raadin ah oo lagu doonayo hub, sida ay sheegeen ilo deegaanka ah.

Kats ayaa u aragtay weerarrada Israa’iil inay qayb ka yihiin siyaasadda cusub ee hubka ka dhigista koonfurta Suuriya.

Dhacdooyinkan militari waxay ku soo beegmayaan dhammaadka shirkii wadahadalka qaran ee Suuriya, halkaasoo mid ka mid ah go’aanada ugu muhiimsan ee laga gaaray uu ahaa in la dalbado in Israa’iil ka baxdo dhulka Suuriya, iyadoo si xooggan loo xaqiijiyay midnimada dhulka iyo diidmada kala qaybinta.

Bayaan ay akhrisay xubinta guddiga qabanqaabada Huda al-Atasi, waxaa lagu adkeeyay in si cad loo cambaareeyay soo gelitaanka Israa’iil ee dhulka Suuriya, iyadoo sidoo kale lagu diiday hadallada kicinta ee Ra’iisul Wasaaraha Israa’iil. Waxaa sidoo kale lagu baaqay in bulshada caalamku cadaadis ku saaro si loo joojiyo weerarrada iyo xadgudubyada.

Shirka, oo lagu qabtay Qasr al-Sha’ab ee Dimishiq iyadoo uu joogay Madaxweyne Axmed al-Shara, ayaa si cad u cambaareeyay soo galitaanka Israa’iil ee dhulka Suuriya, waxaana lagu dalbaday in Israa’iil isla markiiba ka baxdo dhulkaas.

Israa’iil ayaa ciidamadeeda u guurisay aag deggan oo ay kormeerayaan Qaramada Midoobay ee Quneitera gudaha Suuriya, waxayna xoogga saareen meelo muhiim ah oo ay ka mid tahay Buurta Sheikh. Israa’iil ayaa sidoo kale duqeysay goobo ciidan oo ku yaalla Suuriya, kadib dhowr saacadood oo ka dambeeyay markii nidaamkii Bashar al-Assad uu dumay 8-dii Diseembar ee sanadkii hore. Ra’iisul Wasaaraha Israa’iil, Benjamin Netanyahu, ayaa Axaddii hore ku sheegay in Israa’iil aysan oggolaan doonin jiritaanka Hay’adda Xoraynta al-Sham ee koonfurta Suuriya, iyo sidoo kale inay ka mamnuuc tahay awoodaha kale ee ku taageeraya dowladaha cusub ee dalka. Waxa uu sidoo kale ku baaqay in aaggaas laga dhigo mid aan hub lahayn.

Guuji