Madaxweynihii hore ee Ruushka Dmitry Medvedev ayaa ugu yeeray Zelensky “doofaar aan caqli lahayn” kaasoo ay ku dhacday ” dharbaaxo sax ah oo wejiga uga dhacday gudaha Xafiiska
Madaxweynihii hore ee Ruushka Dmitry Medvedev ayaa ugu yeeray Zelensky “doofaar aan caqli lahayn” kaasoo ay ku dhacday ” dharbaaxo sax ah oo wejiga uga dhacday gudaha Xafiiska Oval.” kana poster bes waye
habennimadii xalay oo Jimce ahayd, dunidu oo dhan waxay si toos ah u daawatay madaxweynaha Maraykanka Donald Trump iyo hoggaamiyaha Ukraine Volodymyr Zelensky oo dood kulan oo aan nooceeda horey loo arin ku dhex martay xafiiska Oval-ka ee gudaha Aqalka Cad.
Saraakiisha hab-maamuuska Aqalka Cad iyo saxafiyiinta halkaas ka howlgalayay mudada dheer ayaa sheegay in aysan horay u arag doodlamid la mid ah dodan gudaha dhacdada taariikhda gashay oo ka dhacda xayndaabka Aqalka Cad.
Dhammaadkii kulanka, Trump iyo madaxweyne ku xigeenka Mareykanka J.D. Vance ayaa ka dalbaday Zelensky, madaxweynaha Ukraine oo ay ku tilmaameen mid abaal lahayn, in uu dibeda uga baxo Aqalka Cad ee looga taliyo Mareykanka.
Haddaba, sidee ayay Ukraine iyo caalamkuba uga falceliyeen doodan, kaasoo ahaa mid aan horay loo arag wax u dhig dhaqanka diblumaasiyada.
Madaxda Yurub iyo waxa ay uga falceliyeen
Hogaamiyayaasha Yurub oo ka falcelinaya dooda Donald Trump iyo Volodymyr Zelensky, ayaa si wadajir ah u taageeray Ukraine.
Ra’iisul wasaaraha Britain Keir Starmer ayaa muujiyay “taageerada aan kala go’a lahayn ee Ukraine” kadib markii isfaham waa ka dhax dhacay madaxweynaha Mareykanka Donald Trump iyo hoggaamiyaha Ukraine Volodymyr Zelensky.
Haweeney Afhayeen ah oo u hadashay Starmer ayaa sheegtay in uu mar hore talefoonka kula hadlay labada madaxweyne.
“[Starmer] ayaa weli ah mid taageerada uu u hayo Ukraine aysan kala go’ lahayn wuxuuna u samaynayaa wax kasta oo uu awoodo si uu u helo waddo nabad waarta loo maro oo ku salaysan madax-bannaanida iyo ammaanka Ukraine,” sida lagu xusay war kasoo baxay xafiiska warbaahinta ee ra’iisul wasaaraha Britain.
Hogaamiyaha Jarmalka Olaf Scholz ayaa yiri: “Ma jiro qof doonaya nabad in ka badan inta ay doonayaan nabadda muwaadiniinta Ukraine. Taasi waa sababta aan dhammaanteen u raadineyno waddo lagu helo nabad la isku halleyn karo oo caddaalad ah. iyago iska indho tiraya gaza , Ukraine waxay ku tiirsanaan kartaa Jarmalka iyo Yurub”
Raiisel wasaaraha Talyaaniga Giorgio Meloni ayaa yiri:
“Khilaaf kasta oo ka jira Galbeedka waxa uu wiiqayaa awoodeenna dhammaan, wuxuuna u adeegaa kuwa jecel inay arkaan dhammaadka ilbaxnimadayada. Ma aha awooddeeda ama saameynteeda, laakiin aasaaskeeda, iyo dhammaan waxa ugu sarreeya, oo ah xorriyadda. Khilaafyadu cidna uma fiicna. Waxa loo baahan yahay ayaa ah shir deg-deg ah oo u dhexeeya Maraykanka, dalalka Yurub iyo xulafadooda si aan uga wada hadalno si daacad ah sida aan u doonayno inaan uga jawaabno caqabadaha halista ah ee maanta, ayadoo laga bilaabayo Ukraine, oo aanu si wadajir ah u difaacnay sanadihii dhawaa ee lasoo dhaafay, iyo kuwa na sugaya mustaqbalka. Talyaanigu wuxuu ku talo jiraa inuu u soo jeediyo la-hawlgalayaashiisa qorshahaan saacadaha soo socda oo manta ah.”
Wasiirka Arrimaha Dibeda ee Denmark Lars Rasmussen waxa uu asigana yiri: “Ukrayn, tani waa yad uga dhacday Ukraine meel khatar ah. Waa in ay jiraan doodo adag – xitaa asxaabta dhexdooda. Laakiin marka ay sidan oo kale dhacdo, kamarooyinka hortooda, waxaa jiraya hal guuleyste oo kaliya. Midka fadhiya Kremlin.”
“Kaligiin ma tihiin,” ayuu yiri ra’iisul wasaaraha Poland Donald Tusk, isagoo ula jeeday reer Ukraine.
Madaxweynaha Faransiiska Emmanuel Macron oo hadda ku sugan Boortaqiiska ayaa xasuusiyay in xaaladda hadda jirta uu Ruushku yahay gardaroole, dadka Ukraine-na ay yihiin dadka gardarada lagu hayo.
“Waa inaan xushmeynaa kuwii dagaalka soo galay bilowgii hore,” ayuu yiri.
Waxaa sidoo kale la og yahay in Zelensky iyo Macron ay ku wada hadleen taleefoonka ka dib markii madaxweynaha Ukraine uu ka tagay Aqalka Cad, laakiin faahfaahinta wadahadalka ayaan la ogeyn.
“Ukraine, Spain waa kula jirtaa,” ayuu ku qoray madaxa xukuumadda Isbaanishka, Pedro Sanchez, dhowr luqadood oo ay kujirto luuqada Ukraine looga hadlo.
“Runtu way sahlan tahay, Ruushku wuxuu soo weeraray Ukraine, Ruushku waa gardaroolaha. Ukraine waxay difaacaysaa xorriyaddeeda – iyo teena. Waxaan taageernaa Ukraine,” Madaxweynaha Moldova Maia Sandu ayaa qortay.
“Ukrayn waa Yurub! Waxaan garab istaageynaa Ukraine. Waxaan xoojin doonaa taageeradayada Ukraine si ay u sii wadaan dagaalka ka dhanka ah gardaroolaha,” Madaxa Siyaasadda Dibadda ee Midowga Yurub haweeneyda ah ee lagu magacaabo Kaja Kallas ayaa ku soo baahisay warbaahinta bulshada sidaasi.
Laakin waxaa ay sidoo kale soo jeedisay gabagabo aad u fog ayadoo tiri: “Waxaa maanta cadaatay in aduunka xorta ah uu u baahan yahay hoggaamiye cusub. Reer Yurub waa in aan u kacnaa caqabadan sidaan wax uga qaban lahayn.”
Canada, Australia, Netherlands, Czech Republic, Latvia, Lithuania, iyo Estonia ayaa sidoo kale sameeyay bayaano ay ku taageerayaan Zelensky iyo Ukraine .
Hogaamiyaha kaliya ee Yurub ee taageeray Trump wuxuu ahaa ra’iisul wasaaraha Hungary Viktor Orban . “Nimanka xoogga badan ayaa nabadda qaata, ragga daciifka ahina waa dagaallamaan. Maanta, madaxweyne Donald Trump wuxuu si geesinimo leh ugu istaagay nabadda. Xitaa haddii ay taasi ku adkayd dad badan inay liqaan. Mahadsanid, Mudane Madaxweyne!”
Dadka Ukraine waxay taageerayaan hoggaamiyahooda
Warbaahinta Ukraine ayaa ka mid ahayd warbaahinadii ugu horreeyay ee sheegay in Zelensky uu goor hore ka tagay qasriga Cad, wada xaajoodyaduna ay ku dhammaadeen guuldarro.
Laakiin siyaasiyiinta Ukraine arrintan kuma eedayn madaxweynahooda, taas beddelkeedana, waxay u muujiyaan taageerada ay u hayaan.
Afhayeenka Verkhovna Rada Ruslan Stefanchuk ayaa ku qoray asagoo isticmaalayay luqada english-ka barta X ka dib kulankii qasriga Cad: “Taageerada buuxda ee madaxweynaha.. ma jiro qof xaq u leh inuu iloobo in dagaalkan Ruushku yahay gardaroolaha, Ukrainena ay tahay dhibbanaha gardarrada !!!”
Ra’iisul wasaaraha Ukraine Dmytro Shmyhal ayaa sidoo kale ku qoray X: “Madaxweynuhu waa saxan yahay, nabad aan dammaanado lahayn waa wax aan macquul ahayn.”
Agaasimaha Xafiiska madaxweynaha Ukraine ayaa sidoo kale ku qoray bartiisa Telegram: ” Waxaan taageerayaa madaxweynaha, kaas oo ah geesiga difaacaya danaha dadkeenna. Marwalba, xaalad walba.”
Ciidamada Ukraine waxay taageeraan madaxweynaha dalka, Taliyaha Guud ee Ciidamada Qalabka Sida ee Ukraine Oleksandr Syrsky ayaa ku sheegay sidaasi kanaalka Telegram.
“Ciidanku wuxuu la jiraa Ukraine, dadka, iyo taliyaha ugu sarreeya ee ciidamada. Xooggeenu wuxuu kujiraa midnimada,” Syrsky ayaa qoray sidaas.
Ruushku oo dhoosha ka qoslaya
Magaalada Moscow, saraakiisha Ruushka ayaa aad ugu farxay soo dhawaynta aan wanaagsanayn ee Trump iyo Vance u fidiyeen madaxweynaha Ukraine.
“Waxaan u maleynayaa in Zelensky beentiisa ugu weyn ay kujirto bayaankiisa qasriga Cad ee ah in xukuumada Kiev 2022 kaligeed laga tagay, taageero la’aan. Sida Trump iyo Vance ay isu xakameeyeen oo aysan uga jawaabin qashinkan waa mucjiso dulqaad,” ayay ku qortay haweeneyda ah wakiilka rasmiga ah ee Wasaaradda Arrimaha Dibadda ee Ruushka, Maria Zakharova, barta Telegram.
Madaxweynihii hore ee Ruushka Dmitry Medvedev ayaa ugu yeeray Zelensky “doofaar aan caqli lahayn” kaasoo ay ku dhacday ” dharbaaxo sax ah oo wejiga uga dhacday gudaha Xafiiska Oval.”
Kirill Dmitriev, madaxa Sanduuqa Maalgelinta tooska ah ee Ruushka isla markaana xubin ka ahaa ergadii Ruushka ee wadahadalkii Ruushka iyo Mareykanka ee 18-kii Febraayo ka dhacay Sacuudi Carabiya, ayaa sheegay kaliya in iska horimaadkii u dhexeeyay Trump iyo Zelensky uu ahaa “mid taariikhi ah.”
